TRAVERSIA

La capassità de persession la ze na abilità che la se svelupa col passar del tempo e con la pràtica del so eserssìssio. La persession dipende principalmente de un vardar clìnico e de na rècia acuta. Amirar la natura, sentirghe el fià che vien fora dei grotoni o che vien zo dele nùvole, sentir el baruio dela àqua che core zo par i valoni o che canta ntele cascate e corentesse de rio ze na alegressa incomparàbile par le récie e par i òcii. La natura la se move, la bala, la fà amirarse e la spaura: i ze tuti segreti par quei che sà escoltar e sentir. Récie e òcii atenti!